ТУЗ-н гишүүн

Доктор, Андрюс Вилкес

Aндрюс нь Төв Ази тэр дундаа Хятад, Монгол улсад хэрэгжиж буй урт хугацааны төсөл, санаачилгуудад олон нийтэд түшиглэсэн бэлчээрийн менежмент, мал аж ахуйг хөгжүүлэх чиглэлээр 15 гаруй жил зөвлөхөөр ажиллаж байна. Тэрээр Хятадын байгууллагууд болон олон улсын байгууллага, судалгааны хүрээлэнгүүдэд бэлчээрийн менежментийн хөтөлбөрүүдийг удирдаж байсан. Мөн НҮБ-ийн Хүнс Хөдөө Аж Ахуйн Хөтөлбөр, Азийн Хөгжлийн Банк зэрэг олон улсын байгууллагууд, Непал, Кени, Хятад, Монгол улсын засгийн газар болон АНУ, Герман, Швейцар зэрэг талуудын оролцсон хоёр талт хөтөлбөрүүдэд зөвлөхөөр ажиллаж байсан. SFA-ийн Бэлчээр ашиглах зохистой дадлын аргачлалыг боловсруулах ажлыг удирддаг ба одоо ICCAW-тай хамтран малын арчилгаа маллагааны зохистой дадлыг хамтран боловсруулж байна. Андрюс нь антропологи, эдийн засгийн чиглэлээр мэргэжил эзэмшсэн бөгөөд байгаль орчны антропологийн чиглэлээр докторын зэрэг хамгаалсан.

ТУЗ-ийн дарга

Чарльз Хаббард

Чарльз Хаббард нь SFA-ийн Удирдах зөвлөлийн дарга бөгөөд Их Британид загвар ба нэхмэлийн үйлдвэрлэлийн ур чадварыг хөгжүүлэх чиглэлээр ахлах менежерийн түвшинд 10 гаруй жил ажилласан туршлагатай. Мөн түүний стандарт боловсруулалт, магадлан итгэмжлэлийн систем, чанарын баталгаажуулалтын талаархи арвин туршлага нь Монгол болон Их Британи дахь SFA-ийн багийн стратегийн болон үйл ажиллагааны түвшинд ихээхэн дэмжлэг үзүүлж байна. Чарльз 2015 онд SFA-ийн итгэмжлэгдсэн төлөөлөгч болж, 2017 онд удирдах зөвлөлийн даргаар сонгогдсон бөгөөд олон улсын загварын брэндүүдийн хэрэглээнд зориулан тогтвортой ноолуурын үйлдвэрлэлийн салбарыг сурталчлах зорилгоор SFA-ийн төлөөлөн удирдах зөвлөл болон ажилтнуудтай хамтран ажиллаж байна. Одоогоор тэрээр Коронавируст халдвар /КОВИД-19/-ын цар тахлын эсрэг SFA-ийн хариу арга хэмжээг удирдаж байна. Мөн тэрээр НҮБ-ын Монгол дахь Ковид-19-ийн үр дагаварт үзүүлэх хариу арга хэмжээг хянадаг дэд хорооны гишүүн юм.

ТУЗ-ийн гишүүн

Жованни Шнайдер

Жованни Шнайдер нь 1922 онд өвөөгийнх нь үүсгэн байгуулсан Шнайдер группийн хувьцаа эзэмшигч бөгөөд ТУЗ-ийн дарга юм. Тус компани нь бүрэн мөшгөлттэй, тогтвортой ноос, үнэт байгалийн утас (ноолуур зэрэг)-ийг дэлхийн өнцөг булан бүрт байгаа ээрэгч, нэхмэлчдэд зориулж боловсруулж, борлуулдаг.  Шнайдер групп нь ноос самнах 4 томоохон үйлдвэр, 2 боловсруулах үйлдвэр ажиллуулдаг бөгөөд тэдгээрийн нэг нь Улаанбаатар хотод байрладаг.

Жованни нь Олон улсын ноосон нэхмэлийн байгууллага (International Wool Textile Organization, IWTO)-ийн Гүйцэтгэх хорооны гишүүн бөгөөд энэ салбарыг өдөр бүр тогтвортой байлгахад дэмжлэг үзүүлэх үүрэг амлалтынхаа хүрээнд “Textile Exchange” байгууллагын Удирдах зөвлөлд ажилладаг.

ТУЗ-ийн гишүүн

Карен Перри

ТУЗ-ийн гишүүн

Пол Литлфэйр

Пол 1998 онд RSPCА буюу Амьтанд харгис хэрцгий хандахаас урьдчилан сэргийлэх хааны нийгэмлэгт нэгдэхээс өмнө Хятад, Японд сурч, ажиллаж байсан. 2012 оноос хойш тэрээр RSPCA-ийн тэргүүнээр ажиллаж, олон салбарт хамтын ажиллагааг идэвхжүүлэн: харгис хэрцгий байдлын эсрэг хууль тогтоомжийг боловсруулах; хууль сахиулах сургалт; амьтны эрүүл мэндийн боловсрол; лабораторийн амьтдын халамж, ёс зүй, болон фермийн амьтдын арчилгаа маллагааны баталгаажилтын схем зэргийг хөгжүүлэн тэргүүлэн ажиллаж байна. Тэрээр хэд хэдэн үндэстэн дамнасан компани, салбарын байгууллагуудын нийгмийн хариуцлагын бодлогод малын арчилгаа маллагааны стандартыг нэгтгэхийг дэмжиж ирсэн бөгөөд 2015 оноос хойш Монгол, Хятад хоёр улсын хамтын ажиллагааны дүрэм журам дээр SFA-тэй хамтран ажиллаж байна. Пол нь Chartered Teaching Collage-ийн хүндэт гишүүн, Royal Society of Biology (Хааны Биологийн Нийгэмлэг)-ийн гишүүн юм.

ТУЗ-ийн гишүүн

Тана Дай

Тана нь 1993 онд сургуулиа төгсөөд “Erdos” компанид элссэн бөгөөд “Erdos” брендийн бус салбар болон брэндийн салбарт хоёуланд нь ажиллаж байсан. Одоо “Erdos Cashmere” группын ерөнхийлөгч, мөн Erdos брэндийн салбарийн ерөнхий захирал юм. Ноолуурын салбарт олон жил ажилласан туршлага нь түүнийг ноолуурын үйлдвэрлэл, борлуулалтын чиглэлээр мэргэшсэн мэргэжилтэн болгосон бөгөөд “Erdos”-н  ноолуурын салбарын тогтвортой хөгжлийг Тана удирдан чиглүүлсэн. Тана нь Хятадын ноолуурын салбарын талаар маш сайн ойлголттой, ТННЭ-ийн удирдах зөвлөлд гайхалтай нэмэлт хүч болно гэдэгт бид итгэлтэй байна.

Гишүүнчлэл хариуцсан ажилтан

Алисон Хаббард

Алисон 2015 оноос хойш SFA-д төрөл бүрийн бие даасан ажлуудыг хийж гүйцэтгэж байсан бөгөөд 2020 оноос SFA-ийн гишүүнчлэлийг хариуцан ажиллаж байна. Тэрээр жижиглэн худалдаа, загвар, нэхмэл эдлэл, зочлох үйлчилгээ, аялал жуулчлалын салбарын ур чадварын зөвлөлд стандарт боловсруулах, дагалдан сургах гэрчилгээ олгох чиглэлээр суралцаж байсан туршлагатай. Түүний ур чадвар нь IT, удирдлага, харилцагчийн үйлчилгээ, асуудлыг шийдвэрлэх зэрэгт байдаг. Алисон нь гишүүд болон шинээр элсэж байгаа байгууллага, хүмүүст SFA-ийн зорилго, ёс суртахууны талаар танилцуулах, шаардлагатай бол гишүүнчлэлийн өргөдөл гаргах үйл явцыг чиглүүлэх үүрэгтэй.

Харилцаа холбооны менежер

Сара Крюгер

Сара 2020 оны арваннэгдүгээр сард SFA-ийн маркетинг, харилцаа холбоог удирдахаар элссэн. Хятадад амьдарч байхдаа Зүүн Ази судлал, харилцаа холбооны чиглэлээр магистрын зэрэг хамгаалсан. Тэрээр  автомашин, хөнгөн зууш үйлдвэрлэлийн чиглэлд тогтвортой байдлын компанит ажилд үйлдвэрлэл, нийлүүлэлтийн сүлжээний үйлчлүүлэгчидтэй хамтран ажиллаж байсан арвин туршлагатай. Сара оролцогч талууд, хэвлэл мэдээлэл, дотоод харилцаа холбоог сайжруулах, мөн SFA-ийн гишүүдийн хурал, олон улсын хурлыг зохион байгуулах үүрэгтэй ажилладаг.

Үйл ажиллагаа хариуцсан менежер

Мона Каррауи

Мона 2022 онд ТННЭ-д Үйл ажиллагааны зөвлөхөөр ажилд орсон. Тэрээр корпорацын болон ашгийн бус салбарт стратеги боловсруулах, сайн дурын тогтвортой байдлын стандартууд болон тогтвортой байдлын хөтөлбөрүүдийн чиглэлээр 15 гаруй жил ажилласан туршлагатай. Мөн тэрээр найман жилийн турш GEO Foundation болон AWS: Alliance for Water Stewardship байгууллагуудад засаглал, стандарт, баталгаа, найдвартай байдлын тогтолцооны талаар зөвлөгөө өгсөн. Мона дөрвөн стандартыг боловсруулж, хянан засварлах ажлыг удирдаж, мэргэжлийн итгэмжлэлийн систем, аудиторын сургалтын системийг хөгжүүлж, ISEAL гишүүнчлэлийн хорооны идэвхтэй гишүүн байсан.

Өмнө нь Мона нь Тетра Пакийн Хүнсний Хөгжлийн Газар (Tetra Pak’s Food for Development Office)-ын MENA багийг удирдаж, Пакистан, Египет, Йемен, Марокко, Палестин зэрэг 20 оронд сүү, сүүн бүтээгдэхүүний нэмүү өртгийн сүлжээ, нийгмийн хөтөлбөрүүдийг олон талт хөгжүүлж байсан. Тэрээр Лондонгийн Эдийн засгийн сургууль, Нийгмийн антропологийн чиглэлээр аспирантурын зэрэгтэй. Кембрижийн Их Сургуулийн CPSL-ийн Тогтвортой Бизнесийн чиглэлээр төгссөн.

Гүйцэтгэх захирал

Уна Жонс

Кеймбриджийн Их Сургууль төгссөн тэрээр 2015 онд SFA-ийг үүсгэн байгуулахаасаа өмнө олон салбарт зах зээлийн шинжээчээр ажиллаж байсан. Малчин түмнийг ирээдүй хойчдоо үлдэцтэй, өөрсдийн тогтвортой амьдралын орчин нөхцөлийг бий болгох мэдлэг чадвар эзэмшиж, аж амьдралаа дээшлүүлэхэд нь туслах чин хүсэл зорилготой.
Тэрээр алсын хараатай, уйгагүй хичээл зүтгэлээрээ, Монгол болон бусад ноолуурын үйлдвэрлэлийн бүс нутгууд төдийгүй нийт ноолуур нийлүүлэлтийн сүлжээнд оролцогчдод SFA-ийн зүгээс үзүүлэх эерэг нөлөөллүүдийг нэмэгдүүлэхэд манлайлан ажиллаж байна.  

Үйл ажиллагаа хариуцсан менежер

Зара Моррис

Зара 2019 оны 6-р сард ноолуурын үйлдвэрлэлийн өсөлтийг Монголын ан амьтан, бэлчээрийн мал аж ахуйд үзүүлэх нийгэм, экологийн нөлөөлөлтэй судалж, докторын зэрэг хамгаалсны дараа SFA-д элссэн. Анх SFA-ийн 2030 он хүртэлх стратегийг боловсруулах ажлыг удирдан чиглүүлж байсан тэрээр 2020 оны 2-р сард Үйл ажиллагааны менежерээр томилогдсон. Тэрээр Шинэ Зеланд, Малави, Борнео, Их Британид ТББ болон олон талт санаачилгад ажиллаж байхдаа эрдэм шинжилгээний судалгаа, төслийн менежментийн олон төрлийн туршлагыг багтаа авчирсан. Түүний зорилго нь дэлхийн тогтвортой байдлын сорилтуудыг шийдвэрлэхийн тулд академик салбарын мэргэжилтнүүд, дадлагажигчид болон хувийн хэвшлийн хоорондын зөрүүг арилгахад туслах явдал юм.

Стандарт Тохирлын Менежер

Лесли Колвин

Лесли 2018 онд SFA-д элссэн. Тэрээр сургалт, мэргэшлийн үнэлгээ, чанарын баталгаажуулалтын чиглэлээр олон жил ажилласан бөгөөд мэргэшсэн үнэлээч, хөндлөнгийн баталгаажуулагч, түүнчлэн туршлагатай бүтээгдэхүүний менежер юм. Тэрээр, сургалт болон мэргэжил дээшлүүлэх, гүйцэтгэл, чанарын баталгаа болон чанарын удирдлага, хэлцлийн ур чадвартай бөгөөд мэдээллийн технологийн чадамжтайгаа эелдэг харилцааг хослуулан ажилладаг. Леслигийн үүрэг бол SFA-ийн Тогтвортой ноолуурын стандарт, бодлогууд, түүний хэрэгжилтийг олон улсын удирдамжтай нийцэж байгаа эсэхийг баталгаажуулах, чиг шугамтай нийцүүлэх явдал юм.

Олон нийттэй харилцах менежер

Дашзэвэгийн Цэрэнбат

Цэрэнбат нь 2018 оноос SFA-д ажиллаж байна. Дэлхий даяар тархан суугаа монголчуудыг нэгтгэн холбосон Цахим Өртөө сүлжээг санаачилж, үүсгэн байгуулалцсан тэрээр SFA-ийн Их Британи дахь багийн гишүүдээс Монголчуудтай хамгийн их хэлхээ холбоотой хүн. Түүний үүрэг нь хөтөлбөрүүд хоорондын уялдаа холбоог бэхжүүлэх, Их Британи дахь SFA-ийн баг болон гишүүдэд шаардлагатай тусламж дэмжлэгээр хангахад оршдог. Монголын хөдөө нутагт төрж өссөн тул нүүдлийн ахуй соёлын талаар гүн ойлголт мэдлэгтэй. Кингстоны Их Сургуульд “Бизнес ба эдийн засгийн үйл ажиллагааны прогнозчлол” сэдвээр магистрийн зэрэг хамгаалсан.

Контент хариуцсан мэргэжилтэн

Фиона Жонс

Бизнесийн шинжээчээр карьераа эхлүүлж, Лондон болон Дюссельдорф хотод ажиллаж байсан тэрээр карьераа өөрчилж, телевизэд орж, баримтат кинонууд хийх болсон. Одоо SFA-ийн Их Британи болон Монгол дахь багуудтай стратеги болон гүйцэтгэлийн түвшинд хамтран ажиллаж байна. Түүний үүрэг бол малчдын амьдралын тухай видео бичлэг, нийтлэл, харилцааны материал зэрэг үзэгчдэд зориулсан олон төрлийн сонирхолтой контент бүтээх явдал юм. Түүний бүтээлийн санаа нь урам зоригтой, прагматик хандлагыг авчирдаг бөгөөд хүмүүсийн зүрх сэтгэлд хүрч, нарийн төвөгтэй асуудлыг тайлбарлах чадвартай. Мөн тэрээр 2021 оноос SFA-ийн мөшгөх тогтолцооны  хөтөлбөрийг давхар хариуцан ажиллаж байна. 

Монгол дахь салбарын захирал

Доктор, Байвалын Батхишиг

SFA-г үүсгэн байгуулагчдын нэг Батхишиг нь 2015 оноос Монгол дахь салбарын захирлаар томилогдон ажиллаж байна. Эрдэм шинжилгээ, судалгааны ажлын 18 жилийн туршлагатай тэрээр байгаль хамгаалал, нутгийн иргэдэд түшиглэсэн байгалийн нөөцийн менежмент, дасан зохицох, даван туулах чадавхийг бэхжүүлэх чиглэлээр мэргэшсэн. SFA-д нэгдэхээсээ өмнө тэрээр НҮБ-ийн Хөгжлийн Хөтөлбөрт ажиллаж байгаль хамгаалал, хөдөөгийн хөгжлийн томоохон төслүүдийг удирдан, олон улсын хандивлагч байгууллагууд, корпорацуудад зөвлөхөөр ажиллаж байсан. Тэрээр 1998 онд Манчестерийн их сургуульд биотехнологийн чиглэлээр магистрын зэрэг хамгаалж, дараа нь АНУ-ын Колорадо мужид Байгаль орчны экосистемийн шинжлэх ухааны докторын зэрэг хамгаалсан.

Үйл ажиллагаа хариуцсан менежер

Жаргалсайханы Азжаргал

Жаргалсайхны Азжаргал нь МУИС-ийг экологийн чиглэлээр бакалавр, магистрын зэрэг хамгаалсан. Тэрээр байгалийн нөөцийн менежмент, зэрлэг ан амьтан, тэдгээрийн амьдрах орчныг хамгаалах, олон нийтэд түшиглэсэн байгаль хамгааллийн чиглэлээр 10 гаруй жил ажилласан туршлагатай. Азжаргал нь ТННЭ-ийн Монгол дахь салбарын өдөр тутмын үйл ажиллагааг оновчтой болгохын тулд журамд хяналт тавьж, стратеги боловсруулдаг. Түүний гол үүрэг бол гүйцэтгэлийг сайжруулах, орон нутгийн болон дэлхийн сүлжээ, төслүүдийн хоорондын үр дүнтэй харилцаа холбоог батлах замаар орон нутгийн ТННЭ-ийн гишүүдийг дэмжих явдал юм.

Маркетинг, харилцаа холбооны менежер

Амарсанаагийн Сайнчулуу

Хөдөө аж ахуйн их сургуулийн багш, докторант Сайнаа нь байгалийн баялаг, экологийн нөхөн сэргээлтийн чиглэлээр эрдэм шинжилгээний болон практик туршлагатай. Исланд, Австри, Хятад, Монгол дахь ажлын туршлагаасаа үндэслэн Сайнаа оролцогч талуудтай хамтран ажиллах, шинжлэх ухааныг өргөн хүрээнд үр дүнтэй хүргэх өндөр ур чадварыг бий болгодог.

Мониторинг, үнэлгээ, хөгжүүлэлтийн менежер

Сумъягийн Вандандорж

С.Вандандорж (Вандка) нь экологич мэргэжилтэй, МУИС-ийн бакалавр, магистр зэрэгтэй, Ус цаг уур, орчны хүрээлэнгээс эрдэм шинжилгээний ажлын гараагаа эхэлжээ. Тэрээр үргэлжлүүлэн Австралийн Сидней хотын Шинэ Өмнөд Уэльсийн Их Сургуульд (UNSW) Австралийн хуурай бүс нутгийн экосистемийн үйлчилгээнд бэлчээрлэлт болон уур амьсгалын өөрчлөлтийн үзүүлэх нөлөөллийн чиглэлээр судалгааны ажил гүйцэтгэн, хоёр дахь магистрын зэрэг хамгаалсан. Тэрээр эх орондоо буцаж ирснийхээ дараа Зэрлэг амьтан судлах хамгаалах төв (WSCC)-д Монголын зүүн хойд хэсэгт орших Хурх, Хүйтэн голын хөндийн байгалийн нөөц газарт 5 орчим жил ус намгархаг газрын судалгаа, хамгааллын төслийн зохицуулагчаар ажиллажээ. Одоогоор тэрээр ТННЭ-д Мониторинг, үнэлгээ, хөгжүүлэлтийн менежерээр ажиллаж байна.

Мэдээллийн сан хариуцсан ажилтан

Зоригтбаатарын Баасанжаргал

Баасанжаргал (‘Баска’) нь SFA-ийн Монгол дахь салбарын мэдээллийн сан хариуцсан ажилтан. Тэрээр Монголын боловсруулах үйлдвэр болон бэлтгэн нийлүүлэгч малчдын байгууллагын мэдээллийн санг үнэн зөв хөтлөх, ноолуурын нийлүүлэлт, экспортын өгөгдөл, Salesforce систем дээр ажиллах, sustainblefibre.mn болон бусад холбогдох вэб платформ дээрх контентын байнгын засвар үйлчилгээ, дизайн, хөгжүүлэлтэд дэмжлэг үзүүлэх, мэдээ, нийтлэл, үйл ажиллагааны шийдвэр гаргахад дэмжлэг үзүүлэх замаар диаграмм, инфографик зэрэг мэдээллийн бүтээгдэхүүнийг хийх, үйл ажиллагаа хариуцсан менежер эсвэл шууд удирдагчийн даалгасан холбогдох бусад үүргийг гүйцэтгэдэг. Тэрээр ХААИС-д Хөдөө аж ахуйн менежментийн чиглэлээр бакалаврын зэрэг хамгаалж, дараа нь БНСУ-ын Кангвон үндэсний их сургуульд Хөдөө аж ахуй, нөөцийн эдийн засгийн чиглэлээр магистрын зэрэг хамгаалсан.

Санхүү, нягтлан бодогч

Базарсадын Мөнхнаран

Базарсадын Мөнхнаран нь Мандаx Бүртгэл дээд сургуулийг нягтлан бодогч мэргэжлээр төгссөн. SFA-ийн Монгол дахь салбарт санхүү, нягтлан бодогчоор 2019 оноос хойш ажиллаж байна.